HMS Repulse (1916)
Lo HMS Repulse es un crosaire de batalha britanic de classa Renown en servici dins la Royal Navy dau 8 de genier de 1916 au 10 de decembre de 1941. Participèt a la segonda batalha de Heligoland en 1917. Durant l'entre doas guèrras, foguèt modernizat mai d'un còp mai foguèt jamai totalament rebastit coma d'autreis unitats de sa classa. De 1920 a 1940, formèt l'esquadra dei crosaires de batalha de la marina britanica amb l'HMS Renown e lo HMS Hood. Après quauquei missions dins l'Ocean Atlantic, foguèt mandat en Asia dau Sud-Èst per renfòrçar lei defensas britanicas dins la region amb lo cuirassat HMS Prince of Wales. Pasmens, sensa proteccion aeriana, foguèt rapidament aprefondat per l'aviacion japonesa tres jorns après l'ataca de Pearl Harbor.