Grégory Lemarchal
Grégory Lemarchal, nascut còsta Grenòble lo 13 de mai de 1983 a La Tronche (Daufinat) e mòrt lo 30 d'abril de 2007 a Suresnes (Nauts de Sèina, França), es un cantaire francés.
En 2004, se fa conéisser en emportant la quatrena sason de la Staracademia sus TF1. L'annada seguenta, enregistra son primièr album : Je deviens moi. Un album postum serà tanben publicat en 2007 : La Voix d'un ange.
Biografia[modificar | Modificar lo còdi]
En 1985, una mucoviscidosi, una malautiá mortala, li es diagnosticada.
En 1999, participa coma cantaire a l'emission televisada francesa "Graines de star" sus M6. Ganha alavetz de notorietat coma cantaire a Grenòble, çò que li permet d'i far la primièra partida dels espectacles del cantaire francés Hervé Vilard o de l'umorista Guy Montagné.
En mai de 2003, Grégory jòga dins la comèdia musicala de Paul Tordjmann "Adam et Ève : du péché au pardon", dins lo ròtle d'Adam. I canta e enregistra doas cançons : Vole, mon âme s'envole e Je l'avoue, en duò ambe Maryam Tribak.
Lo 3 de setembre de 2004, fa partida dels dètz e uèch candidats seleccionats de la quatrena sason de la Staracademia sus TF1.
A la debuta de 2005, après aver emportat aquela edicion de la Staracademia, enregistra son album Je deviens moi, realizat per Yvan Cassar, que n'es tirada la cançon Écris l'histoire (represa en francés de la cançon italiana Io so che tu de Davide Esposito), qu'es alavetz un gròs tube en França.
A la debuta de 2007, son estat de santat se degrada : es espitalizat d'urgéncia lo 2 d'abril dins l'espèra d'una transplantacion dels palmons. Lo paure se morís lo 30 d'abril a l'edat de 23 ans sonque en seguida de las complicacions de sa mucoviscidosi.
Discografia[modificar | Modificar lo còdi]
- 2005 : Je deviens moi
- 2007 : La Voix d'un ange (album postum)
Cançons mai conegudas[modificar | Modificar lo còdi]
- Écris l'histoire (2005, represa en francés de Io so che tu de Davide Esposito)[1]
- Je suis en vie (2005)
- À corps perdu (2005)
- Même si (What You're Made Of) (2006, ambe Lucie Silvas)
- The Show Must Go On (2006, represa de Queen)
- De temps en temps (2007)[2]
- Le lien (2007)
- SOS d'un terrien en détresse (2007, represa de Daniel Balavoine)[3]
- Restons amis (2008)
- Je rêve (2009)
Referéncias[modificar | Modificar lo còdi]
- ↑ Grégory Lemarchal, Écris L'histoire, meilleure position : n° 2 du Top Singles France, entré dans le Top le 28/03/2005 https://www.chartsinfrance.net/Gregory-Lemarchal/-cris-l-histoire-s5555.html
- ↑ Grégory Lemarchal, De temps en temps, Meilleure position : n° 1 du Top Singles France, entré dans le Top le 11/06/2007 https://www.chartsinfrance.net/Gregory-Lemarchal/De-temps-en-temps-s6290.html
- ↑ Quand Grégory Lemarchal chantait "SOS d'un terrien en détresse" à la "Star Academy" https://www.chartsinfrance.net/Gregory-Lemarchal/news-114951.html