Gilabèrt Nariòo

Gilabèrt Nariòo (1928-6 d'abriu de 2024) qu’a passat la soa vita a deféner e a promòver la lenga occitana de Gasconha.

Gilabèrt Nariòo qu'ei un sòci màger de l'associacion Per Noste, qu’a participat a la creacion deu Diccionari occitan-francés Gasconha, e a tantas autas òbras importantas per la lenga occitana de Gasconha :

Qu’a escriut quauques textes de cançons deu purmèr disc de Los de Nadau, de las quaus e's tròba "Monsur lo Regent”, “Escota plan, n'ei pas tròp tard”, “Aspa vòu víver”, “Arron d'aimar”, “Auròst tà Victòr Jarà” e tanben de discs ulteriors deu quite grop o de Marcèu Amont.

Que participè a l'elaboracion deu metòde d'aprentissatge de la lenga “Lo gascon lèu e plan” de Miquèu Gròclaude, edicion Omnivox, en 1977, puish reeditat en 1993. Lo manuau de 25 leçons qu'èra hornit dab textes enregistras (sus disques vinils ou caishetas on s'enten la soa votz en tant que lector e repetitor), arreviradas deus textes en françés, un lexic bilingüe pro complet, exercicis e correcions.

Qu'a arrevirat de cap tau gascon libes, deus quaus “La Bíblia Valenciana” de Rafael Tasis.

Qu’a escriut pròsa, poesia, cançons e teatre.

Despuish 1985, qu'ei en carga de la cronica mesadèra "Parlar Plan” de la revista País Gascon de l'associacion Per Noste, on s'i tròba un heish d'informacions, de coneishenças, de torns de lenga e de conselhs. Aquestas cronicas qu'estón aplegadas en 2017 en un libe “Parlar Plan” de la colleccion Utis de Per Noste.