Gant (Flandra)

Gant Gent
Descobridor o inventaire
Data de descobèrta
Contrari
Color
Simbòl de quantitat
Simbòl d'unitat
Proprietat de
Fondador
Compren
Data de debuta
Data de fin
Precedit per
Seguit per
Coordenadas
Bandièra Armas
Geografia politica
País	Belgica
Comunautat	Comunautat flamenca
Region	Region flamenca
província	Flandra Orientala
Geografia umana
Populacion ([[]])	265 086 ab.
Autras informacions
http:

Gant (Gand en nòrma mistralenca; Gent (prononciat /xɛnt/) en neerlandés), es una ville bèlga neerlandofòna, situada en region flamenca al jonhent de Lys e d'Escaut. Es lo capluòc de la província de Flandra Orientala e dempuèi 1559 lo sèti de l'avesvat de Gand. Amb 263 614 abitants, es la segonda comuna pus poblada de Belgica, après Anvèrs. L'aglomeracion gantesa compta aperaquí 455 000 abitants.

Capitala de l'ancian comtat de Flandra, granda ciutat drapièra e comerçanta, puèi vila natala de Carles Quint, coneguèt a partir del sègle XIIen, e mai encara del sègle XIVen al sègle XVIen, un periòde de florison tant economica coma culturala. D'aquesta epòca raionanta, Gand conserva un patrimòni arquitectural abondant qu'agrementa lo centrevila.

En mai, es uèi animada per una vida culturala importanta (teatre, opèra, musèus), un festenal annadièr d'espectacle popular (Gentse Feesten) que trai cada an près de dos milions de visitors, un festenal internacional del filme, que fan d'aquesta vila un centre toristic de tot primièr plan.

Auèi, Gand es la vila estudianta pus poblada de Belgica amb una universitat, nombrosas nautas escòlas e establiments d'ensenhaments superior, es venguda un centre en punta dins nombroses domènis, coma las biotecnologias. Lo pòrt maritim de Gand, cavat al dintre de las tèrras, es lo tresen pòrt del país de per lo tonatge, que permetèt a la vila de diversificar son industria, autrecòps encara fortament dominada per l'activitat tradicionala del textil.

Gant