Gòssa
Gòssa o benlhèu Lo País de Gòssa qu'ei lo nom d'un parçanòt gascon au sud-oèst deu departament actuau de las Lanas.
Localizacion e composicion (dab resèrvas)
[modificar | Modificar lo còdi]- Biarròta
- Biudòs
- Jòssa
- Òrcs
- Sent Bertomiu
- Sent Joan de Marçac
- Sent Laurenç de Gòssa
- Senta Maria de Gòssa
- Sent Martin de Hins
- Saubrigas
Gòssa qu'ei compausat de las bartas de l'arriba dreta d'Ador e deus relèus plaçats au cobde d'Ador fàcia au País d'Òrta.
Dens lo canton deu Senhans, ancianament canton de Sent Martin de Senhans, la comunautat de comunas deu Senhans (medisha delimitacion), las comunas de Biarròta, Biudòs, Sent Bertomiu e Sent Laurenç de Gòssa non son de Senhans, mès de Gòssa.
Etimologia
[modificar | Modificar lo còdi]Au sègle XI o XII, Senta Maria de Gòssa qu'ei mentavuda en latin Sancta Maria de Gonossa dens lo Cartulari de Sòrda. Gonossa que sembla vier d'un tèrme sortit de l'estrat aquitan, aquí mèi precisament basco, *Gòienòssa > *Gòinòssa > Gònòssa > Gòssa (tombada de -n- intervocalica). Lo sens qu'ei « las tèrras mèi hautas », aplicats aus costalats qui son en suspart d'Ador e de las suas bartas [1]. Cf. los parelhs bascos Irigoien (de goi, varianta goiti) e Irribarren, « vilatge haut » e « vilatge baish » Etxegoien e Etxebarren(a), « ostau de dessús » e « ostau de devath », etc [2].
