Fynbos

Un article de Wikipèdia, l'enciclopèdia liura.
Sauter à la navigation Sauter à la recherche
Fynbos dins la província del Cap Occidental, en Sudafrica

Lo fynbos (tèrme venent de l'afrikaans, /fəinbɒs/, que significa 'arbust de fuèlhas primas') es un tipe de vegetacion arbustiva que se dona dins una pichona franja de zònas litoralas e muntanhosas dins la província del Cap Occidental, en Sudafrica, dins un clima mediterranèu de pluèjas sobretot ivernalas.

Regne floral del Cap[modificar | modificar la font]

Lo fynbos, que creis dins una franja de 100 a 200 km dempuèi Clanwilliam, sus la còsta oèst, fins a Pòrt Elizabeth, sus la còsta sud-oèst, fa partida del regne floral del Cap, que ne representa la mitat de la superfícia totala e 80% de las espècias de las plantas. Lo fynbos de la region occidentala es mai ric amb mai de diversitat vegetala que lo fynbos oriental.

Dins lo mond i a sièis regnes florals e aquel es lo mai de pichon per superfícia, amb 46.000 km², mas lo mai ric pel nombre d'espècias en proporcion a l'estenduda. La diversitat botanica del fynbos es extraordinàriament nauta, amb unas 9.000 espècias, unas 6.200 que ne son endemica coma dins lo genre Erica. Dins lo fynbos i vivon 600 espècias, alara que dins lo rèste del mond n'i pas mai que 26.

Flòra[modificar | modificar la font]

La majoritat de las plantas del fynbos son de fulham persistent e esclerofillas. D'entre las familhas de las plantas caracteristicas i a las Proteaceae, Ericaceae e Restionaceae. I a mai de 1.400 espècias de bulb

Protea après lo fuòc a Greyton

Lo fuòc es un estadi necessari per la vida de las plantas del fynbos. Fòrça granas germinan solament après un incendi. A l'entorn de 30% de las plantas produson de granas amb eleosoma per atirar las formigas, que las escampilhan.[1]

Ecoregions[modificar | modificar la font]

Lo fynbos compren doas ecoregions, lo fynbos bas (sota 300 m d'altitud) e lo fynbos naut.

Menaças e conservacion[modificar | modificar la font]

Una granda partida del fynbos es abitat dempuèi de sègles, e dins las zònas bassas s'i desvolèt l'agricultura e la viticultura. La superfícia protegida es escassa e, de mai, i a la menaça que s'i escampen d'espècias invasivas coma las acacias australians e los pins. Unas 1.000 espècias de plantas se pòdon considerar coma menaçadas.

Vejatz tanben[modificar | modificar la font]

  • Kwongan, Una ecoregion similara en Austràlia

Referéncias[modificar | modificar la font]

  1. de Kock, A. E. & Giliomee, J. H. (1989) A survey of the Argentine ant, Iridomyrmex humilis (Mayr) (Hymenoptera: Formicidae) in South African fynbos. J. Entomol. Soc. S. Africa 52:151-164.

Ligams extèrnes[modificar | modificar la font]

Suls autres projèctes Wikimèdia :