Francés Fornièr

Fòto de Francés Fornièr en 1918

Francés Fornièr (en francés François Fournier; Manduèlh, 14 d'agost de 1866 - Manduèlh, 27 de mai de 1941) foguèt un politician del país de Nimes que foguèt deputat de Gard de 1901 a 1919.

Istòria

Francés Fornièr nasquèt a Manduèlh en 1866 dins una familha modèsta. S'engatgèt quand aviá pas que 17 ans coma aprendís en çò d'un faure a Nimes. Puèi se n'anèt trabalhar a Lion e a París abans de tornar en Arle a la fin de son servici militar. Ailà faguèt l'obrièr mecanician dins divèrses establiments de construccion maritima pasmens vist qu'èra militant socialista e que ne fasiá de propaganda foguèt fòrabandit de l'entrepresa. Fornièr portèt l'afar als tribunals e ganhèt. Puèi dintrèt dins los talhièrs dels camins de fèrre de Camarga. A Arle fondèt amb d'amics lo jornal Le Travailleur, que ne foguèt lo redactor principal e a l'encòp foguèt a l'origina de mantun grop politic e sindicat. Puèi, s'impliquèt mai activament e se presentèt a las eleccions legislativas de 1901 a la primièra circonscripcion de Gard. Ganhèt al segond torn e venguèt deputat de Gard. Foguèt reelegit en 1902, 1906, 1910 e 1914.