Ford

Un article de Wikipèdia, l'enciclopèdia liura.
Anar a : navigacion, Recercar
logó de la Ford

La Ford Motor Company (nyse:F) (sovent nomenada simplament Ford o Ford's) es una entrepresa multinacionala estatsuniana fabricant d'automobilas basada a Dearborn, Michigan, Estats Units d'America. Fondada en 16 de junh de 1903 per Henry Ford a Detroit, Michigan. Segon la revista Fortune, DaimlerChrysler e Toyota Motor an despassat Ford se situant al segon o tresen grop de constructors d'automobilas mondial.

La Ford Motor Company regropa tanben Volvo, Aston Martin, Mazda, Mercury e Lincoln.

Ford a d'usinas de construccion dins fòrça païses del mond, e crea d'automobilas per diferents païses se basant-se suls desirs locals. Ara ofrís dos modèls de automobila ibrida, la Focus C-Max e lo Ford Escape.

Ford T

Istòria[modificar | modificar la font]

Al començament[modificar | modificar la font]

Henry Ford, lo fondator

Ford comencèt sa produccion pel primièr còp an 1903 amb 28 000 $ de 12 investissors. Los primièrs ans, Ford produguèt un nombre escaç de veituras Alfabet per jorn dins la seuna usina de l'Avenguda Mack de Detroit, Michigan. De grops de dos o tres òmes trebalhavan sus cada pèça utilizant de compausants fabricats per d'altras companhiás. Henry Ford aviá 40 ans quand fondèt la Ford Motor Company, que vendrá una de las companhiás mai grandas e lucrativas del mond, e tanben una de las raras entrepresas que sobrevisquèt a la Granda Depression dels ans 1930.

Lo desvolopament[modificar | modificar la font]

En 1908, la Companhiá Ford lancèt lo modèl Ford T. La primièra version foguèt producha a l'usina de Piquette. La companhiá mudèt las installacions de produccion a l'usina de Highland Park (mai granda que la precedenta) per poder satisfar la demanda del nòu modèl T. A partir de 1913, la companhiá aviá ja desvolopat totas les tecnicas basicas d'una linha de produccion e de produccion de massa, organizaion productivista que prendra lo nom Fordisme. Aquel meteis an, Ford creèt la primièra linha de produccion mobila del mond, que capitèt a mermar lo temps de montatge del chassís de 12 oras e mièg a 2 oras e 40 minutas.

Referéncias[modificar | modificar la font]