Fiona Apple

Un article de Wikipèdia, l'enciclopèdia liura.
Fiona Apple durant un concèrt en 2012

Fiona Apple McAfee Maggart (Nòva York, 13 de setembre de 1977) es una cantautora e pianista americana. Foguèt revelada tre son primièr album Tidal en 1996. D'aquel disc, la cançon "Criminal" li valguèt un Prèmi Grammy coma melhora performància feminina coma vocalista rock. La votz de Fiona Apple es classificada dins los contraltos e sa musica barreja d'elements de jazz e de rock alternatiu.

Biografia[modificar | Modificar lo còdi]

Fiona Apple nasquèt en Nòva York dins una familha d'artistas. Son paire es l'actor Brandon Maggart e sa maire, la cantaira Diane McAfee mentre que sos grands del costat mairal èran la dançaira Millicent Green e lo vocalista de big band Johnny McAfee. Sa sòrre es cantaira de cabaret jol nom de Maude Maggart, e a un mièg-fraire, Garett Maggart, qu'es actor. Quand aviá 12 ans foguèt victima d'un viòl, evocat dins la cançon "Sullen girl", çò que li portèt divèrses problèmas psicologics. Apple comencèt a dintrar dins l'industria musicala en 1994, aprèp que faguèt arribar un enregistrament amb qualques cançons coma "Never Is a Promise", "Not One of Those Times" e "He Takes a Taxi" a Sony Music.

Discografia[modificar | Modificar lo còdi]

  • Tidal (1996)
  • When the Pawn... (1999)
  • Extraordinary Machine (2005)
  • The Idler Wheel... (2012)
  • Fetch the Bolt Cutters (2020)