Fernand Pigòt

Fernand Pigòt (Cabestanh, 1867 – Cabestanh, 22 de junh de 1928) foguèt un escrivan occitan del país besierenc. Venguèt capiscòl de l'Escòla del Titan.

Biografia

Fernand Pigòt s'interessèt fòrça jove a l'istòria de son airal e publiquèt tre sos 23 ans un estudi sus l'istòria de Capestanh que li faguèt ganhar la medalha de bronze de la Societat Arqueologica, Scientifica e Literària de Besièrs. A l'encòp que menèt son activitat viticòla, faguèt una carrièra jornalistica e literària de tria. Foguèt un dels pionièrs del crèdit mutualista agricòla, correspondent de Radio France e aguèt la gestion de las Arenas de Besièrs. Quand se produsiguèt la crisi viticòla de 1907 s'impliquèt politicament per ensajar d'unificar lo movement. Foguèt lo fondador de la revista occitana Lo Camèl e del jornal en francés Le Petit Biterrois. Lo 1 d'octobre de 1926 venguèt consul onorari de la Romania a Besièrs. Moriguèt en seguida d'un accident a Capestanh lo 22 de junh de 1928.