FCM 36
Lo FCM 36 es un carri d'infantariá leugier desvolopat e produch per lei Fabregas e Chantiers de Mediterranèa entre 1933 e 1936. Produch a 100 exemplaris en 1938-1939, èra armat d'un canon de 37 mm, protegit per un blindatge de 40 mm e equipat d'un motor li permetent d'agantar una velocitat de 25 km/h sus rota. Pasmens, coma la màger part dei carris francés dau periòde, son utilizacion èra limitada per un equipatge tròp reduch (2 òmes). De mai, son canon èra pas adaptat au combat anticarri.
La produccion foguèt rapidament arrestada car sa complexitat entraïnava un còst unitari tròp important. La màger part dei FCM 36 participèron ai combats dau 14 de mai de 1940 au sud de Sedan. I subiguèron de pèrdas fòrça importantas còntra d'unitats blindadas alemandas. Pasmens, lo carri foguèt considerat coma una capitada per seis equipatges car lo volum de sa torèla, pus importanta que sus leis autrei carris francés, permetiá de menar de combats lòngs.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) « Le char léger FCM 36 », L'Enthousiaste, n° 8, novembre de 1978, p. 25.