Vath d'Aussau

Beòst dens la vath d'Aussau

Lo Pic de Mieidia d'Aussau

La vath d'Aussau (reg. e non localament la vau d'Aussau, la val d'Aussau) que's tròba en Bearn. Qu'ei ua de las tres vaths bearnesas ; las duas autas que son las vath d'Aspa e la vath de Varetons. Los sons abitants que son los aussalés.

Geografia

La vath d'Aussau que's tròba dens lo sud de Bearn : lo Haut Bearn. Qu'ei traucat peu gave d'Aussau qui's barreja dens lo gave d'Auloron. Qu'ei la vath mei orientau de Bearn e lo son Pic de Mieidia d'Aussau qu'ei un deus simbèus de Bearn e de la famosa equipa de rugbi de Pau : la Seccion Paulina. La vath d'Aussau que comunica dab Aragon peu pòrt deu Portalet.

Pic de Mieidia vist despuish lo lac gentau

Uei lo dia, d'un punt de vista administratiu, la vath d'Aussau que hè partida deu departament deus Pirenèus Atlantics de la Region Aquitània de França.

Patrimòni

• Pic de Mieidia d'Aussau
• Vila de Larunts e lo son folclòr aussalés
• Arròc deus vutres a Asta-Beon
• Parc Nacionau deus Pirenèus
• Còth deu Portalet
• Lacs d'Aussau
• Lo trinòt d'Artosta

Arreproèrs e imatges

• Taths pleits nada gent vau com era d'Aussau.
• Peu plaser de pleitejar, que's veneré tot çò qui a.
• A Aussau que pluman las aucas (çò qui's ditz, segon Vastin Lespin, en ivèrn vist de la plana, quan la nèu e cad suber Aussau).

Bibliografia

• Lespy, Vastin ; Raimond, Pau. Diccionnaire béarnais ancien & moderne. Genèva : Slatkine Reprints, 1970, 1887.