Pieter Brueghel lo Vièlh

Lo pintor e lo compraire de Brueghel, dessenhat vèrs 1565, considerat coma un autoretrait

Pieter Brueghel lo Vièlh o Bruegel (c.1525 – 9 de setembre de 1569) foguèt un pintor e gravaire flamenc conegut pels seus paisatges e scènas campèstras. De còps que i a prenguèt lo nom de "Brueghel pagés" per se distinguir d'autres membres de la familha, mas es mai que mai apelat "Brueghel". A partir de 1559 tirèt la 'h' del seu nom e començèt de signar sas pinturas Bruegel.

Vida

Fichièr:Pieter Brueghel de Oude - De val van Icarus.jpg

La caiguda d'Ícar

Es conegut que nasquèt a Breda, mas se sap pas segurament se aqueste nom designa la Breda del Païses Basses o la Bree flamenca, actualament en Belgica, e que en latin tanben pren lo nom de Breda. Foguèt escolan de Pieter Coecke van Aelst, amb la filha del qual, Mayke, se maridarà mai tard. En 1551 foguèt acceptat coma mestre pintor a la corporacion d'Anvers. viatjèt en Itàlia pauc aprés, tornarà a Anvers e s'installarà definitivament a Brussèlas detz an mai tard. Es mòrt dins aquesta ciutat lo 9 de setembre de 1569.

Foguèt lo paire de Pieter Brueghel lo Jove e Jan Brueghel lo Vièlh. Totes dos son venguts pintors, mas coma encara èran mainatges quand lor paire es mòrt, an pas recebut d'educacion de pintor d'el.

Estil

Brueghel pintèt dins un estil mai simple que lo de l'art italianizant que dominava a son epòca. L'influéncia mai evidenta dins son obra es la del vièlh mèstre neerlandés Hieronymus Bosch, mai que mai dins las pinturas demonologicas primièras de Brueghel coma Lo triomf de la mòrt e Dulle Griet.

Obra

La torre de Babel (1563), òli sus fusta

Fichièr:Bruegel peasant wedding dsc01965.jpg

Las noças campèstras (1568)

Fichièr:Brueghel the elder - winter landscape with a bird trap.jpg

Paisatge d'ivèrn amb una trapa pels aucèls (1565)

De Brueghel demoran 45 obras autentificadas, que una tercera partida se trapan al Kunsthistorisches Museum de Viena. Se sap que d'autras se son perdudas. Tanben existis un grand nombre de dessenhs, gravuras e aigafortas.

Una de las seunas obras mai coneguda es la Torre de Babel.

Ligams extèrnes

• Brueghel a la Web Gallery of Art (en anglés)
• Brueghel al Kunsthistorisches Museum (en aleman e anglés)
• Biografia e presentacion d'òbras (en francés)
• Biografia e analisas d'òbras (en francés)