Erromintxela

Erromintxela qu'ei lo nom deus ròms bascos d'origina kalderash (ròms vienguts deus Balkans) e de la lor lenga. Qu'arribèn deu nòrd au sègle XV. Uei lo dia que's tròban subertot sus la còsta de Labord, dens mantua zona montanhosa de Sola, dens la Hauta Navarra, en Guipuscoa e en Biscaia. Que i son tres grops etnicaments distints de Ròms en Bascoat: los "kalos" (ròms de la peninsula iberica, "gitanos"), los "sintos" (ròms deus País Germanics) e los Erromintxelak.

Los Erromintxelak (fòrma plurau de Erromintxela) que parlan l'erromintxela qui ei ua lenga ibrida (para-romani) enter basco e romani kalderash. L'estructura de la lenga qu'ei la deu basco, lo vocabulari qu'ei màgerment kalderash. L'erromintxela n'ei pas comprensible ni peus locutors de l'euskara ni peus gitanos iberics ni peus autes roms. La literatura erromintxela qu'ei contemporanèa e mei que mei de poesia.