Ernest Lluch

Un article de Wikipèdia, l'enciclopèdia liura.
Salta a la navegació Salta a la cerca

Ernest Lluch i Martín (Vilassar de Mar, 21 de genièr de 1937Barcelona, 21 de novembre de 2000) foguèt un òme politic catalan que moriguèt assassinat per de membres d'Euskadi ta Askatasuna.

Biografia[modificar | modificar la font]

En 1961 Ernest Lluch obtenguèt sa licéncia en sciéncias politicas, economicas e comercialas a l'Universitat de Barcelona amb un prèmi extraordinari de fin de cors. Lo meteis an venguèt Professor ajudaire a la Facultat de Sciéncias Politicas e Economicas de l'Universitat de Barcelona. Foguèt expulsat d'aquesta universitat per son activisme politic antifranquista en 1966. Estudièt tanben a l'Universitat de la Sorbona a París. Afilhat al Partit Socialista de Catalonha (PSC) e un dels fondadors del Partit Socialista del País Valencian (PSPV), faguèt partida del govèrn de Felipe González coma ministre de la Santat e de la Consomacion entre 1982 e 1986. Se retirèt de la vida politica en 1989.

Foguèt assassinat dins lo parquing de son ostal per l'organizacion Euskadi ta Askatasuna (ETA) a l'edat de 63 ans.