Epatiti B
L’epatiti B es una epatiti virala liada a una infeccion per lo virús de l'epatiti B (VHB) qu'entraïna una inflamacion dau fetge.
Lei simptòmas de la malautiá aguda son principalament una inflamacion dau fetge e de trèbols digestius ambé de nausèas. La patologia es alora sovent benigna. Pasmens, pòu evolocionar vèrs de formas grèvas e venir una infeccion cronica caracterizada per una fèbre moderada, un lassitge important, de trèbols digestius, una jaunissa, una urina sorna ò d'excrements descolorits. Puei, una epatiti cronica pòu degenerar en cancèr dau fetge
La transmission dau virús se fa per lo mejan dei liquids e dei secrecions biologicas. Lei mòdes de transmission principaus son lei relacions sexualas, leis injeccions, lei transfusions sanguinas e lei transmissions de la maire a l'enfant durant l'acochament. Es una malautiá umana frequenta que tocava en 2005 entre 3% e 6% de la populacion mondiala. Es endemica en China e dins plusors autrei regions d'Asia.
Un vaccin foguèt descubèrt en 1982. Permet pas de garir lei malauts mai permet d'empachar l'infeccion dins 90 a 95% dei cas.