Emboscada de Clonfin

Un article de Wikipèdia, l'enciclopèdia liura.
Salta a la navegació Salta a la cerca
Eth comtat de Longford siguèc un lòc d'emboscades entre era Armada Republicana Irlandes e es soldats anglesi pendent era Guèrra d'Independència Irlandesa (1919-1921).

Era Emboscada de Clonfin siguèc ua emboscada hèta pera ARI (Armada Republicana Irlandesa o IRA), eth 2 de hereuèr 1921 pendent era Guérra d'Independéncia d'Irlanda (1919-1921). Aguèc lòc ena vila de Clonfin ( o Coonfin), plaçada entre Ballinalee e Granard, en eth comtat irlandés de Longford. Quate membres dera Division Auxiliar dera Policia Irlandesa Reial (RIC) siguèren mòrts e 8 herits.

Circomstàncies[modificar | modificar la font]

Era Colomna Voladera deth Nòrd de Longford dera ARI (IRA) damb 21 òmes e miada per Séan Mac Eoin s'avie creat en 1920. Aguest an ja avien mòrt 4 policièrs deth Royal Irish Constabulary (RIC). En noveme, ua companhia d'auxiliars - ua fòrça policièra paramilitar formada per ex-oficials - avie sigut plaçada en eth comtat de Longford entà finir era ARI aquiu. Mès fòrces arribaren ath lòc en gèr de 1921 [1]. S'avans era ARI avie sajat d'operar en grani nombres, e soent en tot atacar comissariats dera policia, des d'aqueth moment eth Quartier Generau plaçat en Dublin ordenèc atacs mès soent mès tanben mès petits.

Eth lòc dera emboscada, ua via entre Granard e Ballinalee avie sigut escolhit. Mac Eoin causiguèc un lòc on es emboscaires èren plan ben protegits e pauc vists pes britanics. Eth plan ère hèr explosar ua mina mentres es camions britanics i passaven. Dempús, es britanics dideren "qu'era emboscada non ère clara".

Era emboscada[modificar | modificar la font]

Séan Mac Eoin ère eth cap dera Colomna Voladera deth Nòrd de Longford dera ARI (IRA) e ordenèc as sòns òmes d'atacar es camions britanics pendent era emboscada de Clofin, en 1921.

Era ARI (IRA) hèc petar era bomba mentres dus camions passaven sus un pònt e tuaren eth menaire deth prumèr camion lèu. Era ARI dubriguèc huec sus es camions pendent dus ores. Un des auxiliars podèc húger entà portar mès fòrces [2]. Pendent era luta, quate membres deth grop dera ARI lutaren ath costat des auxiliars britanics e tuaren eth sòn comandant, eth lòctenent comandant Worthington Craven. Dempús dera sua mòrt, era rèsta de policièrs abandonaren era luta. Quate auxiliars avien sigut mòrts e ueit herits [3]. Mac Eoin siguèc cavalièr damb es presoèrs. Diguèc qu'ac avien hèt ben e non permetèc que sòns òmes los hessen mau. Tanben portèc aiga de prèp tàs herits. Quan eth madeish siguèc dempús gahat, tres auxiliars, qu'avien estat en Clonfin, declararen pendent eth judici, qu'en Clonfin avien sigut plan ben tractats [4]. Mac Eoin s'avie comportat ben damb es britanics mès tanben avie hèt qu'es perdesse un temps preciós pr'amor que quasi 14 camions damb fòrçes britaniques arribassen ath lòc e es gahessen. Totun, que poderen húger pes bòsqui de Clonfin. Era ARI (IRA) avie podut gahar 18 rifles, 20 revòlvers, ua Lewis e 800 bales [5].

Resultat[modificar | modificar la font]

Dempús dera emboscada, es britanics arribaren as viles de Killoe, Ballinamuck, Drumlish, Ballinalee, Edgeworthtown, Granard e Ardagh entà sajar de gahar es òmes dera ARI. Un nombre de bòries e ostals sigueren ahlamats e un paisan siguèc tanben tuat. Ère Michael Farrel, e siguèc tuat en revenja pera emboscada.

Era colomna voladera que hèc era emboscada non sajèc de hèr-ne mès enquiara fin deth mes. Eth cap dera ARI de Longford, Mac Eoin siguèc gahat ena gara de tren de Mullingar pendent er inici de març e siguèc acusat de tuar eth policièr deth RIC DI Mgrath. Siguèc dempús deishat liure pr'amor que s'avie hèt ua trèva entà sajar de finir es ostilitats.

Un momunent siguèc dempús quilhat en eth lòc dera emboscada. Es lutadors èren Mac Eoin (Ballinalee), Sean Duffy (Ballinalee), James J. Brady (Ballinamuck), Tom Brady (Cartronmarvey), Paddy Callaghan (Clonbroney),Seamus Conway (Clonbroney), Pat Cooke (Tubber), Seamus Farrelly (Purth), Paddy Finnegan (Molly), Larry Geraghty (Ballymore), Mick Gormley (Killoe), Hugh Hourican (Clonbroney), Jack Hughes (Scrabby), Mick Kenny (Clonbroney), Paddy Lynch (Colmcille), John McDowell (Clonbroney), Jack Moore (Streete), Mick Molligan (Willsbrook), Michael F. Reynolds (Killoe), Sean Sexton (Ballinalee) e Jim Sheeran (Killoe).

Referéncies[modificar | modificar la font]

  1. Marie Coleman, County Longford and the Irish Revolution, pp. 125-27, 133. ISBN 978-0-716-52790-9
  2. Michael Hopkinson, The Irish War of Independence, p. 143. ISBN 978-0-717-13741-1
  3. RIC Memorial Roll, policememorial.org.uk; accessed 22 August 2014.
  4. Marie Coleman, County Longford and the Irish Revolution, pp. 125-27, 133. ISBN 978-0-716-52790-9
  5. Marie Coleman, County Longford and the Irish Revolution, pp. 125-27, 133. ISBN 978-0-716-52790-9