Armada Republicana Irlandesa

L'Armada Republicana Irlandesa (Irish Republican Army (IRA)), (en irlandés: Óglaigh na hÉireann) mai tard sonada de còps que i a la vièlha IRA, èra una organizacion militara sortida dels Irish Volunteers (Volontaris irlandeses) que foguèt reconeguda en 1919 per Dáil Éireann coma l'armada legitima de l'autoproclamada Republica d'Irlanda, l'estat irlandés naissent qu'èra estat proclamat pendent la Rebellion de Pascas en 1916 e reafirmat pel Dáil en genièr de 1919. A mai se tota una tièra d'organizacions proclamèron mai tard d'èsser una continuacion de l'IRA dempuèi 1920 fins a uèi, la màger part dels irlandeses son pas d'acòrdi amb aquelas pretencions. Aprèp la signatura del Tractat Angloirlandés en 1921, los membres de l'IRA qu'èran pel Tractat formèron lo nogalh de l'Armada Nacionala Irlandesa fondada pel cap de l'IRA leader Michael Collins en 1922. While the anti-Treaty IRA contunhèt d'existir aprèp sa desfacha aprèp la Guèrra Civila Irlandesa, cap a la fin de las annadas 1930 aviá perdut la part màger de la legitimitat que teniá en cò d'una part bèla dels partisans del camp republican. Sonque una tèuna minoritat del pòble irlandés accepta los pretendents posteriors d'aqueste nom coma los eiretièrs politics de l'Armada Republicana Irlandesa originala, a mai se la reivindicacion d'aqueste nom d'eiretièrs es pas jamai estada acceptada pel Dáil Éireann.

Per tal de distinguir l'armada de la Republica d'Irlanda dels que se dison eiretièrs d'aqueste nom, l'armada originala reconeguda per la Dáil es de còps que i a sonada la vièlha IRA.