Elias Baup
Elias Baup, (Élie Baup en francés) nascut lo 17 de març de 1955 a Sent Gaudenç, es un entrenaire de fotbòl.
Carrièra d'entrenaire
[modificar | Modificar lo còdi]Passèt pel club de Castèlnòu d'Arri en 1982 abans que d'arribar al Tolosa FC coma responsable de la formacion en 1984. En 1991, partís per l'AS Saint Etienne, al centre de formacion tanben abans que de venir entrenaire de l'equipa primièra en 1994 fins a 1996. En 1997 arriba als Girondins e i demorarà cap a 2003. Aurà ganhat sos primièrs títols amb lo club aquitan. Tornarà aprèp a l'As Saint Etienne de 2004 a 2006 abans que de tornar al país, al Tolosa FC de 2006 a 2008 ont capitarà de qualificar lo club per la Liga dels Campions en 2007 pel primièr còp de son istòria. En 2008 vendrà entrenaire del FC Nantes. Al cap d'una annada, capitarà pas d'empachar lo club de tornar en segonda division.
Sènsa club fins a 2012, serà consultaire de cadenas de television francesa, primièr pel grop France Télévision puei pel grop Canal+.
En julhet de 2012, l'Olimpic de Marselha en quista d'un remplaçant a Didier Deschamps anóncia la sinhadura d'Elias Baup per doas annadas. Lo 6 de decembre de 2013, es demés de sei fonccions coma entrenaire de l'OM e remplaçat per lo director esportiu marselhés, José Anigo.
Elias Baup, l'occitan
[modificar | Modificar lo còdi]A fait mant'un còps allusion a la lenga e la cultura occitana. A n'aquel prepaus ditz: Ieu soi un vertadier occitan. mangi, parli occitan. Aimi Occitània[1]
Palmarés d'entrenaire
[modificar | Modificar lo còdi]- Girondins de Bordèu
- Campion de França 1998-1999
- Copa de la Liga 2001-2002