Eleazar hilh de Simon

Un article de Wikipèdia, l'enciclopèdia liura.
Salta a la navegació Salta a la cerca

Eleazar hilh de Simon qu'estó un cap deus zelòtas pendent la Purmèra guèrra judèoromana. Qu'èra gessit d'ua familha nòbla e sacerdotau. En 66, los sons sordats que hasón ua emboscada a ua legion romana, la Legio XII Fulminata, a Beit-Ḥoron, en tot destrusir-la sancèrament. En 68, dab ua fòrça de zelòtas armats dab l'equipament perdut peus romans, que hasó entrar los idumèus dens Jerusalèm, qui tuèn lo cap Anan per'mor qu'avèva intencion de trobar ua solucion diplomatica a la guèrra. Au cors de la luta dab autas faccions judivas qu'estó responsable, dab l'aute cap zelòta Simon bar Giora, de har àrder las provisions de gran de Jerusalèm qui aurén permetut a la vila de resistir mei longtemps lo sièti roman en 70.