Simon bar Giora

Lo trionf de Tit après la Purmèra guèrra judèoromana qu'estó commemorat dab l'arc de Tit a Roma, qui muisha los tresòrs deu temple, includent la Menorah e las trompetas de Jerico

Simon bar Giora qu'estó un deus caps de las fòrças judivas au cors de la grana revòlta contra los romans qui's debanè de 66 a 70 en Judèa. Au moment de la caduda deu Temple de Jerusalèm en 70, que s'escapè dab autes companhs per ua galeria sosterrana mes quauques dias après, vadut hòu a causa de la hami e de la set, qu'aparescó davant los romans, vestit de blanc e porpra com un rei (çò qui ei interpretat com un ultim aperet a Diu entà qu'avosse pietat deu pòble) e qu'estó hèit presoer. Qu'estó executat publicament au moment deu trionf celebrat per Tit e Vespasian a Roma.