Eduard Ripoll

Un article de Wikipèdia, l'enciclopèdia liura.

Eduard Ripoll i Perelló, vadut en Tarragona, en 1923, e mort en Barcelona en 2006, siguec un arqueològ e istoriador catalan. Estudiec en er Institut de Paleontologia Umana de Paris es ans 1950 e 1951 damb er abat Breuil.

Siguec doctor ena Universitat de Barcelona des de 1956 e siguec tamben deisheble de Lluís Pericot. Siguec conservator adjonch en eth Museu Arqueològic de Barcelona de 1947 a 1952. Dempúes siguec eth sòn conservator e director de 1961 a 1980. Dirigec tamben eth Museu Monogràfic d'Empúries (Catalonha) e en eth Museu Arquologic Nacionau de Madrid de 1981 a 1986.

Trabalhec enes escauacions d'Empúries e ena balma d'Ambrosio, en Espanha. Era sua especialitat eren es cultures paleolitiques e era peintura rupestre dera zona cantabrica e catalana. Tamben se dediquec as ibèrs a as colonies gregues en Catalonha.

Siguec professor agregat de Preïstoria ena Universitat Autonoma de Barcelona demest 1968 e 1980 e tamben catedratic dera UNED des de 1981. Siguec president dera Academia de Bones Letres en Barcelona de 1996 a 2006. Tamben siguec membre deth Deutsches Arquäologisches Institut , dera Union Internationale de Sciences Préhistoriques et Protohistoriques e dera Reiau Academia de Beres Arts de Sant Jordi en Barcelona.

Bibliografia[modificar | Modificar lo còdi]

º Miscelánea en homenaje al Abate Henri Breuil (1964 i 1965)

º El paleolítico medio en Cataluña, damb H. de Lumley (1965)

º La cueva de las Monedas de Puente Viesgo (Santander) (1972)

º Miscelánea Arqueológica. XXV aniversario de los Cursos de

Prehistoria y Arqueología de Ampurias (1974), amb M. Llongueras

º Olèrdola: història de la ciutat i guia del conjunt monumental i

Museu monogràfic (1977)

º Els orígens de la ciutat romana d'Empúries (1978)

º Sobre els orígens i significat de l'art paleolític (1981)

º Els grecs a Catalunya (1983)

º El abate Henri Breuil (1877-1961) (1995)

º El arte de los cazadores paleolíticos (2002)