Drift
.jpg)
Lo drift (en anglés drifting, « deriva ») es una disciplina d'espòrt automobil dins la quala lo pilòt mena lo veïcul per que lisa d'un costat a l'autre de la pista betumada. L'espròva se debana davant de jutges : son notats la trajectòria, la velocitat, l'angle d'atac e l'estil.
Las veituras de drift son generalament de propulsions compactas e de copats espòrts de mejan gabarit, de còps de quatre ròdas motritz convertidas en propulsion. S'agís tanben generalament de veituras de marca japonesas (país d'ont lo drift es originari), çò que ne fa que de nombrosas veituras an lo volant a drecha car son adaptadas a una conducha a esquèrra.
Lo but es d'enviar lo mai de poténcia possibla a las ròdas arrièr afin de reduire lor aderéncia a la pista e atal lisar en fasent accelerar la veitura. Lo drift deu èsser mantengut tot lo lòng de la virada en utilizant gaireben tota la poténcia del veïcul, un frenatge ben calibrat e una susvirada fòrça precís.
Istoric
[modificar | Modificar lo còdi]La disciplina a debutat dins los ans 1980 al Japon. L'interpretacion modèrna del drift a per origina una fòrma de corregudas de carrièra illegalas practicadas pels Zoku sus las rotas sinuosas de montanha e apeladas « touge » o « tōge »[1].
Lo pilòt japonés Keiichi Tsuchiya (escaissat uèi lo «Drift King»), el meteis inspirat per la tecnica de pilotatge de Kunimitsu Takahashi, ancian pilòt motociclista corrent dins lo campionat de Japon de las veituras de torisme (JTCC) dins los ans 1970, a practica lo drift al moment d'espròvas illegalas (tōges) puèi participat al lançament de la disciplina sus circuit en 1988[1].
Cossí es jutjat lo drift ?
[modificar | Modificar lo còdi]Puèi que los eveniments de drift son jutjats per l'execucion e l'estil, los jutges devon conéisser los limits de las veituras e de diferentas tecnicas utilizadas pels pilòts. Aquestes expèrts jutjan e avaloran la trajectòria, la velocitat, l'angle, la qualitat de l'espectacle e lo contròla del veïcul.
Après mantun sessions d'assags liures, los pilòts inscriches devon passar per una session de qualificacion en sòlo abans de participar a las sessions d'eliminacion Top-16 en « battle ». Devon après se qualificar dins lo « Best 8 » (los uèch melhors) abans de poder avançar al « Final Four » (quatre melhors o demi-finala) que precedís la granda finala.
D'accions coma ralentir al ponch de geinar l'adversari, fonsar dins un autre veïcul o far una culejada son illegalas e excluson sul pic lo pilòt.
Nòtas e referéncias
[modificar | Modificar lo còdi]- (fr) Aqueste article es parcialament o en totalitat eissit d’una traduccion de l’article de Wikipèdia en francés intitolat « Drift ».
- ↑ 1,0 et 1,1 (en) Andrew McKirdy, Drifting: Japan-born street sport roars onto global stage, The Japan Times, 4 d'octobre de 2017.
Vejatz tanben
[modificar | Modificar lo còdi]| Sus d'autres projècte de Wikimedia: | |
 |
Commons (Galariá) |
|
Commons (Categoria)  Modèl:Commonscat/categories
|
 |
Wiccionari |
Articles ligats
[modificar | Modificar lo còdi]- Tecnicas de pilotatge automobil
- RC Drift, pratica del drift amb de veituras ràdio-comandadas.