Divinacion

Un article de Wikipèdia, l'enciclopèdia liura.
Salta a la navegació Salta a la cerca
Carta d'un taròt divinatòri.

La divinacion es l'art de preveire lo futur per l'observacion e l'interpretacion de certanei fenomèns. Sembla una practica fòrça anciana car son existéncia es mencionada tre l'aparicion dei premierei civilizacions. A entraïnat l'aparicion de mai d'una tecnica coma l'oniromancia, la geomancia, la cartomancia ò l'astrologia. De còps, certanei practicas faguèron partida integranta d'una religion organizada coma leis oracles grècs.

Maugrat son influéncia, la divinacion foguèt enebida per plusors govèrns ò movements. Lei rasons invocadas varian segon leis epòcas e lei luòcs anant de la proteccion deis individús còntra de practicas consideradas coma una forma de charlatanisme per leis elèits scientifics a la defensa de dògmas religiós ostils. Per exemple, lo judaïsme enebís totalament la divinacion[1]. Dins aquò, leis arts divinatòris an capitat de se mantenir e fòrman uei un sector economic non negligible dins certanei país.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Lo cristianisme assaièt sensa succès d'adoptar aquela règla amb, per exemple, una condamnacion per lo papa Sixte V en 1586.