Disposition Matrix

Un article de Wikipèdia, l'enciclopèdia liura.
Salta a la navegació Salta a la cerca
Drone militar american MQ-1 Predator tirant un missil Hellfire dau tipe utilizat per tuar daus suspectes de terrorisme

La Disposition Matrix (literalament 'matriça de disposicion', valent a dire "tableu de las suppressions") es 'na basa de donadas secreta de la Agéncia centrala d'entresenha americana, creada per localizar e segre e, fin finala, capturar o tuar los suspectes d'èsser enemics daus Estats Units. Son existéncia fuguet revelada per lo Washington Post en 2012. Desvolopada per la presidéncia de Barack Obama en 2010, va en delai de las "listas de la mòrt" 'lòrs existentas e sembla destinada a èsser un element permanent de la politica estatsunidenca. Faiçonada e coordinada per l'expert de la lucha antiterrorista John Brennan, la Disposition Matrix es mesa a jorn en permanéncia.