Discutir:Sièis Forns

Credo quia absurdum

Avèm dins la Wp nòstra doás o tres personas que multiplican las afirmacions estranhas. Aquò rai, i auriá pas de problèma se i aviá pas de destruccions practicas en consequéncia. Aquí una : dins una enciclopèdia de referéncia, las taulas son raras e jutjadas sensa interès per seguir l'evolucion demografica d'un vilatge. De segur, i a pas res sus un vilatge dins una enciclopèdia, doncas, cal parlar d'una granda vila. I a una rason practica : las enciclopèdias de referéncias son escritas per d'especialistas, que son d'autoritats al mens supausadas, allòc que Wp es escrita per de personas quinas que sián. Dins un cas, los exemples demografics, quand n'i a, son supausats pertinents, dins l'autre, lo contributor a pas d'autoritat per causir las informacions ni per assegurar lor veracitat. Dins la practica, i a doás consequéncias : 1) lo contributor deu daissar a la disposicion del lector l'ensemble de las donadas demograficas; 2) lo contributor deu permetre de verificar la font, generalament un organisme public coma l'INSEE o l'EHESS. Autra afirmacion estranha : Wp es pas una lista d'informacions. Las règlas de Wp son coma lo Coran : val mai trobar un tafsir per saber cossí las cal comprene. Se compreni que Wp es una lista de desinformacions, una lista d'afirmacions subjectivas e desprovesidas de tota font, un trabalh literari sense rapòrt ambe la realitat, es qu'ai probablament mal comprés. Se compreni que i a 150 wikipèdias, dont las pus importantas (anglés, francés, alemand, rus, japonés, etc) que respècton pas las règlas de Wp, es probablament qu'ai mal compresa la règla. Autra afirmacion : Wp es pas una basa de donadas. Solament en se pairant de las basas de donadas estatalas o autras, demòra pas en general que l'imaginacion del contributor o la possibilitat de se servir personalament de las basas de donadas, sense fornir al lector la possibilitat de las consultar. Darrèra afirmacion : los grafics, las listas de còssols serián "impossibles de legir" ! Un grafic demografic simple es de bon comprene per un escolan de seisena, una lista de còssols es a la portada d'un mainatge que sap legir (fin del CP).Margalida e Marçal (d) 15 decembre de 2023 a 06.45 (UTC)