Discutir:Roergàs (sosdialècte)

Preterit del vèrb èstre

Bonjorn a totes, qualqu'un coneis lo preterit comun del vèrb èstre en roergàs? Un còp èra me sembla aver ausit "fuguère, seguère, e mai que mai, sesquère", uèi la memòria me daissa. Coralament, Bernieyrou (d) 14 abril de 2024 a 13.40 (UTC)

Bonjorn Joan Francés, soi segur que vos o sabètz. Coralament, Bernieyrou (d) 2 mai de 2024 a 17.44 (UTC)

Bonjorn Sovenhic, benlèu que vos o sabètz? Coralament, Bernieyrou (d) Bernieyrou (d) 26 junh de 2024 a 19.00 (UTC:::

Bon jorn / Bonjorn / Adieu-siatz, en Roergue, ai trobat aquò segon la gramatica de Ronjat (§638, p. 287).

• infinitiu: èsser, èstre
• gerondiu: estent
• participi passat: estat
• indicatiu present: siu (Segalar: soi), siás, es (Segalar: aquò's [aˈkɔj]), sèm, sètz, son [ˈsu(n)]
• subjontiu present 1: siá (3a persona del singular), siatz (2a persona del plural)
• subjontiu present 2: siasque (siague; Segalar: siagui), etc.
• indicatiu imperfach: ère (Segalar: èri), èras, èra, èrem, èretz, èran [ˈɛru]
• indicatiu preterit: fosquère (foguère, fuguère, seguère, siguèri [siˈɛri]), etc.
• indicatiu futur: serai, etc.

Coralament. Sovenhic (d) 27 junh de 2024 a 13.26 (UTC)

Bonjorn Sovenhic, mercé per la respòsta rapida e plan documentada. Doncas çò qu'apelam "roergàs" per comoditat es pas tant omogenèu qu'aquò e coneis las conjugasons en g tan coma las en sk. Ai redigit la pagina segon mos remembres dels parlars del Roergue nalt (Aubrac, val d'Òlt e Causse comtal). Soi pas gramatician, caldriá que qualqu'un prenguèsse la man dels capítols "fonologia", "morfologia" e "lexic" per alargir la descripcion als parlars del miègjorn de Roergue qu'ai pas gaire ausits quand èri jove. Se non tot se pòt traire levat lo capítol "expressions" que demòra mon testimoniatge d'una lenga expressiva e encara viva al sègle XX. Coralament, Bernieyrou (d) 27 junh de 2024 a 22.26 (UTC)