Dennis Meadows

Naissença	7 de junh de 1942
País d'origina	Estats Units
Distincions	prèmi japonés

Dennis L. Meadows, nascut lo 7 de junh de 1942 en Montana (Estat Units), es un scientific e professor emeriti de l'Universitat de New Hampshire e coautor, amb tres scientifics del MIT, del rapòrt The Limits To Growth en 1972, que met evidéncia lo perilh per l'environament planetari de la creissença demografica e economica de l'umanitat.

Trabalh

Club de Roma

Lo club de Roma es un think tank mondial qui tracta de nombrosas questions de politica internacionala. Foguèt fondat en abrial de 1968 e suscitèt una atencion considerabla del public en 1972 amb son rapòrt titolat Los limits of Growth ("Los limits de la creissença"). De 1970 e 1972, al MIT Meadows dirigiguèt lo "Club of Rome Project on Predicament of mankind" que bastiguèt lo modèl mondial eissit d'aquela publicacion.

The Limits to Growth

"The Limits to Growth" es un libre de 1972 que modeliza las consequéncias d'una populacion mondiala en creissença rapida e de ressorças limitadas, comandat per lo Club de Roma. Meadows coescriguèt lo libre amb sa molher Donella H. Meadows, Jørgen Randers e William W. Behrens III.

Lo libre faguèt servir lo modèl World3 per simular las consequéncias de las interaccions entre la Tèrra e los sistèmas umans. . Lo libre reprend d'unas preoccupacions e de prediccions del reverend Thomas Robert Malthus dins "An Essay on the Principle of Population" (1798).

L’objectiu final de èra pas de far de prediccions specificas, mas d’explorar cossí la creissença exponenciala interagís amb de ressorças limitadas. Coma la talha de las ressorças es desconeguda, sol lo comportament general pòt èsser explorat.