Davantal
Un davantal es una pèça de vestir que cobrís mai sovent lo davant del còrs per aparar los vestits. Es una pèça que cobrís de la talha cap al bas de còrs e tanben lo bust a vegadas, e que penja de las espatlas amb de tirants e se nosa en darrièr.[1] Lo davantal pòt aver de pòchas. La fauda del davantal pòt èsser fòrça corta, fins als malucs o pòt arribar fins a las cavilhas.
Usatge
[modificar | Modificar lo còdi]
S'utiliza dins fòrça mestièrs, coma de servicials, cosinièrs, vendeires al mercat, ceramistas, èca. De mestièrs cambièron l'ancian davantal per de vestits de trabalh complets. S'usa tanben a l'ostal per realizar de prètzfaches domestics, coma netejar o cosinar, e los mainats pichons l'utilizan per pintar e dessenhar a l'escòla.
Vestiment tradicional
[modificar | Modificar lo còdi]
Lo davantal fa partir del vestit tradicional de las culturas europèas, que sovent es tipicament blanc o negre, malgrat que pòt aver d'autras colors.
Lo davantal coma element de ritual francmaçon
[modificar | Modificar lo còdi]
Lo davantal a un ròtle essencial dins los diferents ritualas de Francmaçonariá pel fach qu'aquel descend de las ancianas corporacions de constructors de catedralas de l'Edat mejana, e utilizavan aquela vestit per s'aparar de las quitas rigors d'aquel tipe de trabalh.
La Francmaçonariá dins sos diferents rites e de grade gardèron l'usatge d'un element per fa mòstra del trabalh e servici que cal mostrar tot membre de l'òrdre, en mai dels autres sens que cada rite e grade francmaçònic faguèt d'aquela pèça.