Corona (grop)

Olga « Corona » Souza sus l'empont al Brasil en 2013

Corona es un grop anglofòn de tècno "eurodance" fondat en 1990, compausat principalament de la dançaira e cantaira brasiliana Olga « Corona » Souza sus l'empont, e de l'autor, compositor, productor italian Lee Marrow, de son nom vertadièr Francesco Bontempi.

Lo grop Corona es estat al som de sa popularitat entre 1993 e 1996, en particular ambe lor tube emblematic de 1994, The rhythm of the night, enregistrat en estudiò en 1993 per la cantaira Giovanna « Jenny » Bersola. Vengut un grand estandard de la dance, en 2019 The rhythm of the night es estat enregistrat un còp de mai aqueste còp per la benda sonòra del filme american Bad boys for Life (sortit en sala en 2020) jos una fòrma adobada per The Black Eyed Peas e J Balvin. Lo single version 2019 se titola RITMO.

Los autres titols los mai coneguts de Corona son Baby Baby e Try Me Out en 1995, e I Don't Wanna Be a Star en 1996, interpretats per la cantaira Sandra Chambers dicha « Sandy » (que mai tard prestarà egalament sa votz sus d'unes títols de Benny Benassi).

Cançons mai conegudas

• The rhythm of the night (1994)
• Baby Baby (1995)
• Try Me Out (1995)
• I Don't Wanna Be a Star (1996)