Confitería del Molino
La Confitería del Molino qu'ei situada au ras deu palais deu Congrès de la Nacion Argentina dens lo quartièr de Balvanera a Buenos Aires (au 1801 de l'avienguda de Rivadavia). Que ho ua tavèrna hèra famosa e emblematica de la ciutat enter la soa aubertura en 1917 e la soa clavadura en 1997. La soa façada, d'estil Art Nouveau coroada d'ua copòla e ondrada d'alas de molin, qu'ei famosa dens l'iconografia de Buenos Aires e, a maugrat d'estar clavat e en deterioracion, l'edifici que ho declarat Monument Istoric d'Argentina e que demòra la soa navèra aubertura, sia per expropriacion, sia per concession e per quin aute mejan que sia.
