Claudi Francés Achard
Claudi Francés Achard (Marselha, lo 23 de mai de 1751 e lo 29 de setembre de 1809) sieguèt un mètge e un lexicograf provençau de lenga d'òc. Es l'autor dau Dictionnaire de la Provence et du Comtat Venaissin e tanben dau vocabulaire Français-Provençal et Provençal-Français.
Èra lo paire de Josèp Francès Achard (autor e editor occitan dau boquet provençau) e de Teodòsi Achard (poèta de lenga d'òc).
Vida[modificar | Modificar lo còdi]
Claudi Francés Achard naissèt dins una familha de mercadiers de papèr. Enfant anèt estudiar al Pègue en Daufinat auprès de son oncle puei anèt au seminari de Vivièrs en Vivarés, mai enluòc de vénguer prèstre, estudièt la medicina a l'Universitat de Montpelhier puei a Avinhon monte recebèt lo títol de doctor en medecina en 1772. S'installèt a Aubanha puei a Marselha.
Foguèt membre de l'Acadèmia de Marselha e sota-secretari de la bibliotèca en aquesta ciutat. Segon Glaudi Barsotti [1] la redaccion de son diccionari provençau seriá estada inspirada per lo diccionari encuei perdut e òbra de Joan Baptista Germain.
Es en 1784 que lo Dictionnaire de la Provence et du Comté-Venaissin foguèt estampat.