Clara Ponsatí
Clara Ponsatí i Obiols (Barcelona, 19 de març de 1957) es una economista e politiciana catalana. En 2017 venguèt conselhièra d'Ensenhament de la Generalitat de Catalonha jol govèrn de Carles Puigdemont, cargue que foguèt anullat pel govèrn espanhòl tre l'aplicacion de l'article 155 de la Constitucion Espanhòla lo 27 d'octobre de 2017. Lo 30 d'octobre del meteis s'exilièt a Brussellas amb lo president e tres autres conselhièrs, Lluís Puig, Antoni Comín e Meritxell Serret per evitar la repression espanhòla. Defensada per son avocat Aamer Anwar, demòra encara actualament en Escòcia e trabalha a l'Universitat de Saint Andrews, ont ensenhava ja abans.