Clamença Isaura
Clamença Isaura es un personatge mitic de l'Edat Mejana del país tolosan. La legenda ditz que creèt los Jòcs Florals a Tolosa e venguèt aital una figura emblematica per fòrça poètas coma Pèire Godolin.
Biografia
[modificar | Modificar lo còdi]Se pensa actualament que Clamença Isaura existiguèt pas jamai, que foguèt un personatge inventat per ajudar a la creacion de l'Acadèmia dels Jòcs Florals en ne far una mena de protectora e mecèna d'aquesta institucion. Aquela dòna sortida d'una de las mai grandas familhas de la noblesa lengadociana, sens marit ni mai enfants, seriá mòrta cap a 1500 quand aviá 50 ans. Lo nom Isaura apareguèt per primièr còp en 1549 dins una ballada premiada als Jòcs Florals. Son còs seriá estat enterrat en 1557 jos l'autar de Maria, dins la basilica de la Daurada de Tolosa.
Eiretatge de Clamença Isaura
[modificar | Modificar lo còdi]
Dòna Clamença venguèt lo personatge emblematic e central dels jòcs florals. E tre 1527, lo 3 de mai se fasiá cada an son elògi public. Mai tard la figura de Clamença Isaura, a mai foguèsse sonque una legenda, inspirèt fòrça artistas: de poètas, d'escrivans e mai tanben de pintors e d'escultors. Divèrses endreches e bastiments de l'airal tolosan pòrtan lo nom d'aquela dòna illustra.