Charles Joseph Bonaparte
Charles Joseph Bonaparte (Baltimore, Maryland 9 de junh 1851 – Bella Vista, Comtat de Baltimore, 28 de junh 1921) foguèt un avocat estatsunidenc d'ideologia progressista e liberala. Es un descendent de la familha Bonaparte: son avi, Jérôme Bonaparte, èra lo fraire de l'emperaire Napoleon I.[1]
Charles Joseph Bonaparte foguèt secretari de la Marina estatsunidenca e puei procurador generau.
Biografia
[modificar | Modificar lo còdi]
Charles Bonaparte èra fiu de Jérôme Napoleon Bonaparte (1805–1870), fiu de Jérôme Bonaparte, rei de Vestfàlia, e Susan May Williams, eissida d'una rica familha de Baltimore. Pasmens, non èra considerat dins la dinastiá e non utilizèt cap de títols.
Diplomat en drech de l'Universitat de Harvard, trabalhèt coma jurista a Baltimore, venent tanben un politic locau puei nacionau. Es sòci dau Board of Indian Commissioners de 1902 à 1904 e president de la National Civil Service Reform League.
En 1905, lo president Theodore Roosevelt lo nomena dins son cabinet coma secretari a la Marina. De 1906 fins lo bot dau mandat dau president serà Attorney General (equivalent dau ministre de la Justícia). Lo 26 de julh de 1908 establís lo Bureau of Investigation (BOI), premiera apelacion de l'actuau FBI[3].
Morís a Bella Vista dins lo Comtat de Baltimore, dins Maryland, victima d'una malautía neurologica: la corèa.
Son fraire, Jérôme Napoléon Bonaparte II, mai vièlh de 21 ans, servís dins l'US Army, puei dins l’armada francesa a l'arribada de Napoleon III au poder.