Charles Joseph Bonaparte

Un article de Wikipèdia, l'enciclopèdia liura.
Anar a : navigacion, Recercar
Charles Joseph Bonaparte

Charles Joseph Bonaparte, naissut lo 9 de junh 1851 a Baltimore (Maryland) e defuntat lo 28 de junh 1921 dins lo Comtat de Baltimore es una personalitat politica americana e lo rèire nebot de Napoleon lo 1er.

Biografia[modificar | modificar la font]

Es fieu de Susan May Williams (1812-1881), eissuda d'una rica familha de Baltimore e de Jérôme Napoleon Bonaparte (1805-1870), fiu de Jérôme Bonaparte (lo fraire mai jove de l'Emperaire Napoleon lo 1er), e de sa premiera molher, Elizabeth Patterson, amb laquela s'èra maridat a Nòva York en 1803.

Sòrte diplomat de drech d'Harvard e trabalha puei coma juriste a Baltimore, venent tanben un politic locau puei nacionau. Es sòci dau Board of Indian Commissioners de 1902 à 1904 e president de la National Civil Service Reform League.

En 1905, lo president Theodore Roosevelt lo nomena dins son cabinet coma secretari a la Marina. De 1906 fins lo bot dau mandat dau president serà Attorney General (equivalent dau ministre de la Justícia). Lo 26 de julh de 1908 establís lo Bureau of Investigation (BOI), premiera apelacion de l'actuau FBI[1].

Morís a Bella Vista dins lo Comtat de Baltimore, dins Maryland, victim de la corèa.

Son fraire, Jérôme Napoléon Bonaparte II, mai vièlh de 21 ans, servís dins l'US Army, puei dins l’armada francesa a l'arribada de Napoleon III au poder.

Referéncias[modificar | modificar la font]

  1. 26 juillet 1908. Fondation du FBI par le petit-neveu de Napoléon Ier, Charles Bonaparte sur le site du Point