Chaple del 3 de març de 1976 a Gasteiz

Un article de Wikipèdia, l'enciclopèdia liura.
Salta a la navegació Salta a la cerca

Lo chaple del 3 de març de 1976 a Gasteiz es la confrontacion entre de manifestants e la polícia de l'estat espanhol, que ne tuèt 5 e ne nafrèt per balas mai de 150.

Manuel Fraga Iribarne, ministre responsable de las fòrças tuairas en 1976 (fotografia de 2007) e fondator del Partit Popular espanhòl.
Glèisa de Sant Francés d'Assisi a Gasteiz.
Lluis Llach.

Istòria[modificar | modificar la font]

Memorial de las victimas, dins la carrièra Bernal Díaz de Luco, fàcia a la glèisa de Sant Francés d'Assisi.

En genièr de 1976, qualques 6000 trabalhadors entamenavan una cauma per protestar contra lo decrèt de moderacion salariala. Lo jorn de la tresena jornada de cauma generala, lo 3 de març, una amassada d'obrièrs èra convocada dins la glèisa de Sant Francés d'Assisi a Gasteiz. La polícia lancèt de granadas lacrimogènas dins la glèisa e faguèt fuòc sul mond desvariats que sortissián de la glèisa.

Moriguèron sul còp Pedro María Martínez Ocio, de 27 ans, Francisco Aznar Clemente, de 17 ans, Romualdo Barroso Chaparro, de 19 ans, José Castillo, de 32 ans. Dos mes après tanben moriguèt de sas nafraduras Bienvenido Pereda, de 30 ans. Mai de 60 nafrats grèus (la mitat per balas) e de centenats de nafrats lèugièrs complètan lo balanç.


Reconeissença[modificar | modificar la font]

En 2006, la proposicion de lei de Memòria istorica considerava las victimas coma victimas de la dictatura, a malgrat la mòrt del dictator 5 mes abans.

Omenatge[modificar | modificar la font]

Lluís Llach escriguèt lo tèxte Campanades a morts en omenatge a las victimas. Lo cantèt a Gasteiz pels 30 ans del chaple. D'autres musicaires coma los grops Betagarri e Oi! an escrich de tèxtes sul chaple.

Referéncias[modificar | modificar la font]