Cernés
Lo Cernés es una region de l'extrème sud-èst dau Bordalés ; correspon a la valèia de Ciron, dont lo nom a d'alhurs la medissa origina, e a las Gravas.
Tanlèu lo XII° siègle, formèt un archiprestat, dont lo caplòc èra Gradinhan. Amassèva lo comtat d'Ornon, la prevostat de Barsac, plusiors baronias, lo marquisat de Lendiràs, una partida de la baronia de Veirinas (Pessac) e quauquas senhorias, dont lo Castèthnau de Cernés. Caperèva 51 comunas actualas [1], dont lo quartèir Sent Nicolas de las Gravas a Bordèu [2]
Nau afluents de Garona travèrsan lo Cernés, mèi l'Èira au sud-oèst. Aqueste territòri es au caireforc entre lo camin de Tolosa e lo camin de Baiona (camin de Sent Jacme). Seré tanben a Sent Medard d'Airans, d'autscòps d'Aruan, qu'auré estut lo prumèir lòc de franquissament de Garona dens sa baisha valèia.
Las comunas de Cernés
[modificar | Modificar lo còdi]Arbanats - Aiga Mòrta de las Gravas - Balisac - Barsac - Bautiran - Bèglas - Belin-Beliet - Bomas - Bordèu (partida) - Budòs - Cabanac e Vilagrens - Cadaujac - Canejan - Castra - Cerons - Cestàs - Hargas de Lengon - Gradinhan - Guilhòs - Austens - Ilats - Isla Sent Jòrge - la Brèda - Lendiràs - lo Barp - Leujats - Leunhan - lo Tusan - Loishats - Martilhac - Navalhan - Aurinha - Pessac - Podensac - Portèths - Prenhac - Pujòus de Ciron - Sent Lugèir - Sent Magne - Sent Medard d'Airans - Sent Miquèu de Riufred - Sent Maurilhon - Sent Sèuve - Sent Sefrian - Saucats - Sautèrnas - Talença - Tolena - Vilandraut - Vilanava d'Ornon - Viralada.
Nòtas
[modificar | Modificar lo còdi]<references>
- ↑ Listadas sus : http://paysdecernes.org/la_carte.htm
- ↑ http://paysdecernes.org/le_pays_de_cernes.htm, d'après “Léo DROUYN et le Cernès” (Ed. Entre Deux Mers) e Abbé BAUREIN "Les variétés Bordelaises" 1785