La Grava (parçan)

Un article de Wikipèdia, l'enciclopèdia liura.
Anar a : navigacion, Recercar
Pagina d'ajuda sus l'omonimia Pels articles omonims, veire La Grava (omonimia).
La Grava

La Grava[1] es un parçan d'Occitània[2] situat en Gasconha.

La sua vila principala, hòra Bordèu, es Podensac.

Geografia[modificar | modificar la font]

Las Gravas s'estenden deu limit d'implantacion deu vinhau en Lengonés, dincas a las bridanas dau pinhadar landés, pròishe Pessac. Inclutz donc lo Podensaqués ribeirin (Prenhac, Barsac, Pujòus, Cerons, Podensac, Arbanats, Viralada, Portèth), una partida dau canton de la Brèda (Aigamòrta de las Gravas, Isla St Jòrdi, Sent Medard d'Aruan, Bautiran, Castras, Cadaujac). Pòden i ajotar una partida de la Landa bordalesa : Gradinhan, per exemple, es considerat coma hasent partida de las Gravas.

Origina deu nom[modificar | modificar la font]

La grava es una alluvion depausada per la Garona au bòrn deu plèir landés.

Un país viticòla[modificar | modificar la font]

Lo país de las Gravas es fòrt reputat dens lo quite monde empenat per sons vins de qualitat deu Sauternés. En efèit, l'apelacion Sautèrnas (concernent las comunas de Sautèrnas, Bomas, Hargas de Lengon e Prenhac) pòt èster inclusida dens las Gravas. Los castèths Filhot, Yquem, Lamothe, son au mièi deus pus renomats. A Pessac, lo Haut-Brion es considerat coma lo maine viticòla mèi ancian dau monde.

Autas especialitats[modificar | modificar la font]

Lo Lillet es un aperitiu creat en 1872, encara fabricat a Podensac, a basa de vin roge o blanc e d'extrèits vegetaus (iranja).

Los pesèus son una especialitat de Cerons ; d'autscòps, èran plantats entre las règas, çò dont permetèva d'auger a l'encòp una milhora fixacion de l'azòt atmosferic, e un mijan de subsisténcia assegurat en cas de produccion mediòcra.

Nòtas[modificar | modificar la font]

  1. Nom occitan probable mes que demanda enqüèra ua atestacion.
  2. Segon la classificacion de Frederic Zégierman.