Centre regional d'art contemporan Occitània (Seta)

Lo Centre regional d'art contemporanèu Occitània (o CRAC Occitània) es l'un dels darrièrs centres d'art contemporanèu creat en França, en 1997. Es situat a Seta de cap a la mar Mediterranèa.

Istorica

Lo projècte del centre d'art es iniciat en 1993 per la fondadora e directritz, Noëlle Tissier. Fasent part del còr de la vila, los ancians magasèms frigorifics de peis del pòrt de Seta son reabilitats per l'arquitècte Lorenzo Piqueras, en 1995. Durant doas annadas, los trabalhs son realizats per transformar los luòcs. Son finançats a paritat egala per l'Estat e la Region. Es dempuòi sa creacion, convencionada amb lo Ministèri de la Cultura e de la comunicacion. Dobèrt en 1997, es lo resultat de la collaboracion entre l'escòla de las bèlas arts de Sète, la residéncia d'artista la vila Sant-Clair e l'espaci Paul Boyé.

Dempuèi 2004, de partenariats son realizats amb d'actors regionals, nacionals e internacionals per tal de promòure l'actualitat de la creacion artistica e presentar d'òbras provenentas de colleccions publicas e privadas. Lo CRAC espandís la produccion de projèctes d'artistas.

Nomenada per la presidenta del Conselh regional d'Occitània, Carole Delga, es dirigit, dempuèi lo 1r d'agost de 2018, per Marie Cozette.

Missions

Lo centre regional d'art contemporanèu Occitània a mantunas missions :

• La produccion e l'ajuda a la creacion artistica ;
• Las exposicions e la difusion de las òbras ;
  
  
  
  
• Las publicacions e l'educacion artistica.