Cauna del Puèg Mèrle
La cauna del Puèg Mèrle es situada a Crabairet, suls causses de Carcin e lo departament d'Òlt. Se dobrís dins un puèg dominant la val de Cèla. Henri Breuil declarèt que «la sala pintada de la cavèrna del Puèg Mèrle es coma la capèla Sixtina dels causses d'Òlt».
Situacion e istoric
[modificar | modificar lo còdi]Foguèt descobèrta lo 4 de setembre de 1922 per Andrieu Dàvid e Henri Dutertre, e estudiada per Amadèu Lemosin,[1] André Leroi-Gourhan e Michel Lorblanchet. En 1949, Andrieu Dàvid descobriguèt lo «malhum del combèl». Amadèu Lemosin estudièt las pinturas descobèrtas. Venguèt monument istoric lo 17 de febrièr de 1951 e representa un dels sites pus importants de l'art paleolitic europèu.
L'art de Puèg Mèrle
[modificar | modificar lo còdi]
La cauna compta dos sosensembles situats suls dos costats de l'entrada preïstorica: a l'èst se pòt véser de pontuacions rojas, de cavals, un felin e, dins un diverticul sonat «lo combèl», tres figuras imaginàrias que evòcan de cèrvis grands de las torbièras; a l'oèst s'estend un malhum pus espaciós e pus ric, lo sol accessible per las visitas toristicas. Compren sensiblament una composicion nomenada «frisa negra» associant un caval, de bisonts e de mamots, de detadas nombrosas al plafon, de mans negativas associadas a de pontuacions en mai del panèl apelat «dels cavals pontuats».
Referéncias
[modificar | modificar lo còdi]- ↑ La grotte temple du Pech Merle, 1929.
