Cauna de Limosins
La cauna de Limosins foguèt traucada per un riu sosterranh. Se situa a 17 km al nòrd de Carcassona, a 1 km del vilatge de Limosins e a 600 m al nòrd del bordalat de Marmorièras. Fa partida d'una banda calcària situada entre la val de la Clamoux e aquela del riu d'Orbièl, comprenent lo malhum de Gaunhas e son celèbre gorg gigant, lo gorg de Cabrespina. Los escrichs dels naturalistas, espeleològs, istorians e los rapòrts d'excursions de societats sabentas, permeton de tornar traçar l'istòria d'aquela cavitat sosterranha de mai en mai frequentada. Tre 1825, lo conselh municipal establís en favor dels paures de la comuna, un drech d'intrada a la cauna.