Castèlnòu de Bonafós (vestigis)

Lo Castèl de Castèlnòu de Lèvis

Los vestigis del Castèlnòu de Bonafós se trapan sul puèg del meteis nom ont es tanben bastida la comuna uèi dicha Castèlnòu de Lèvis en País d'Albi.

Istòria

Lo Castèlnòu de Bonafós foguèt bastit en 1235 per Sicard Alaman, poderós vassal del comte de Tolosa Ramon VII; èra un bastion avançat de las possessions tolosanas (nòrd del riu Tarn) fàcia a la reialtat (Sud del Tarn). Bastit sul puèg de Bonafós, Castèlnòu de Bonafós venguèt puèi Castèlnòu de Lèvis quand venguèt proprietat de la familha de Lèvis (Lévis en francés). Un vilatge foguèt bastit al pè de las muralhas a la meteissa epòca.

De l'ancian castèl, demòra pas que qualques roïnas qu'una torre de gaita dominant la val de Tarn e la vila d'Albi. L'aspècte roïnat d'ara es degut a son ròtle de peirièra pendent los sègles XIX e XX.

Lo castèl venguèt monument istoric de França en 1909.

Une restauracion parciala dempuèi lo començament dels ans 1980 permet de situar las muralhas del bastit naut. Del bastit bas demòra pas qu'una pòrta fortificada. La torre, nauta de 35 mètres, se compausa d'una torre miègcirculària que n'es apiejada una torre carrada. Se compausa de tres estatges en vòlta. Cadun d'aqueles mòstra de traças d'un postam desaparegut que doblava le nombre d'estatges.

Galariá

• 
•