Carus
Carus[Car?] (vèrs 230, Narbona o Narona - aost de 283, Ctesifont) foguèt un emperaire roman que reinèt de setembre de 282 a sa mòrt. Succediguèt a Probus e foguèt remplaçat per sei fius Numerian e Carin.
Foguèt proclamat emperaire per sei tropas e acceptèt la carga après l'assassinat de Probus. Nomèt sei dos fius Numerian e Carin coma Cesar permetent de desvolopar l'idèa que l'Empèri poguèsse èstre dirigit per mai d'un emperaire simultaneament. Moriguèt dins de circonstàncias mau conegudas — lo tròn auriá picat sa tenda — durant una campanha còntra lei Sassanidas. Dins totei lei cas, lei soudats romans foguèron fòrça impressionats per sa mòrt e, maugrat sei victòrias, l'armada se retirèt dins lei territòris romans.