Camp de Mart

Un article de Wikipèdia, l'enciclopèdia liura.
Sauter à la navigation Sauter à la recherche


Lo Camp de Mart èra a Roma una planura que se situava d'en primièr fòra dels barris, e ont Romul aviá consacrat un temple a Mart; al nòrd oèst de la vila, e sus la riba esquèrra del Tibre.

Istòria[modificar | modificar la font]

Vèrs 300 ApC

Lo Champ de Mart es la planura inondabla situada entre lo paret servian de Roma e la corba del Tibre. Espaci utilisable per amassar lo pòble roman en armas e far d'exercisis militar, èra utilizat tanben per d'autres usatges civils: s'i tengava las assembladas del pòble, e s'i elegissiá los magistrats pendent de comicis.

Dins los darrièrs temps de la Republica, foguèron bastits a l'entorn del Camp de Mart de portics, d'arcs de trionf e de monuments publics magnifics, coma lo teatre e la Curia de Pompèu. Foguèt sul Camp de Mart que las cendres de Juli Cesar foguèron versadas per d'esclaus après qu'aviá estat assassinat debant las pòrtes del senat, abans una sesilha.

Jos l'Empèri, lo Camp de Mart se cobrís pauc a pauc de bastiments publics jos l'iniciativa d'August e dels successors: coma los tèrmes d'Agrippa, lo portic d'Octavia, lo teatre de Marcèl, puèi l'estadi de Domician (que venguèt la Piazza Navona) e lo Panteon.

Lo Camp de Mart de l'Antiquitat fin ara[modificar | modificar la font]

Al contrari dels autres quartièrs de la Roma antica, lo Camp de Mart foguèt pas abandonat a l'Edat Mejana. Lo traçat dels axes de las carrièras anticas demorèt, coma quel de la Via Flaminia, que veniá la via Lata en vila, e correspond a l'actuala via del Corso.

Campo Marzio es ara un des 22 rioni de la vila de Roma. Es designat dins la nomenclatura administrativa pel còdi R.IV.

Endacòm mai[modificar | modificar la font]

Per imitacion, foguèt donat, a París, lo nom de Camp de Mart un grand espaci situat entre l'Escòla militara e la Torre Eiffel.

Vejatz tanben[modificar | modificar la font]

Ligams extèrnes[modificar | modificar la font]