Caminito

Un article de Wikipèdia, l'enciclopèdia liura.
Salta a la navegació Salta a la cerca
Caminito en 1939
Caminito

Caminito qu'ei ua carrèra pietonièra e toristica de Buenos Aires. Qu'ei un deus simbèu de la ciutat e deu quartièr portuari de La Boca. A l'origina qu'èra un carreròt per on passava ua via de camin de hèr abandonada mei tard.

Lo son nom qu'inspirè la musica d'un deus tango mei famós (compausat per Juan de Dios Filiberto, a maugrat qui las soas paraulas de Gabino Coria Peñaloza en vertat parlen d'ua auta carrèra) : Caminito.

Un pauc com lo quartièr de Montmartre a París, Caminito qu'ei un lòc on s'amassèn artistas (enter eth, lo famós pintre Benito Quinquela Martín) qui e'n hen ua mena de carrèra musèu, vaduda pietonièra en 1959.

Caminita qu'ostenta façadas de taulas pintradas de totas las colors qui bremban las praubas abitacions d'aqueths quartièrs o vivèn immigrats genovés uei entertienguda per'mor deu lor valor istorica e toristica.