Calendier lunisolar
Un calendier lunisolar es un calendier fondat sus lo cicle annuau dau Soleu per lo descòmpte de l'annada e sus lo cicle regular dei fasas de la Luna per lo descòmpte dei mes. Coma lei dos cicles correspòndon pas (aperaquí 365,25 jorns per lo Soleu, 354 jorns per un cicle de 12 mes lunars), es necessari d'ajustar regularament l'annada amb l'apondon de jorns suplementaris. Lei metòdes de correccion son variats, mai un sistèma frequent èra l'apondon d'un mes suplementari, dich mes intercalari, totei leis ans. Pasmens, lei correccions èran pas totjorn ben fachas e d'errors importantas èran de còps integradas dins lo descòmpte dau temps[1].
Lo calendier de Coligny, lo calendier ebraïc, lo calendier samaritan, lo calendier indó ò lo calendier chinés son d'exemples de calendiers lunisolars. Aquelei calendiers aguèron un ròtle important dins mai d'una region fins a l'adopcion progressiva dau calendier gregorian per la màger part deis Estats actuaus. Pasmens, son encara utilizats per d'usatges tradicionaus coma la determinacion de celebracions.
Liames intèrnes[modificar | Modificar lo còdi]
Bibliografia[modificar | Modificar lo còdi]
Nòtas e referéncias[modificar | Modificar lo còdi]
- ↑ Un exemple famós es aqueu dau calendier roman, fòrça complèxe amb d'alternàncias d'annadas de 355, 377 e de 378 jorns. Fòrça correccions foguèron pas realizadas corrèctament en causa d'errors ò de manipulacions dau calendier. En 46 avC, Juli Cesar foguèt obligat d'ordonar una annada de 445 jorns per corregir l'escart e adoptar lo calendier julian.