Borax
Lo borax es un minerau incolòr a l'estat pur e blanc, gris, blau ò verd en preséncia d'impuretats. A una duretat de 2,0-2,5 e una densitat de 1,73. Es format de soroborat de sodi (simbòl quimic : Na2[B4O5(OH)4], 8H2O) cristallizat segon un sistèma monoclinic de classa prismatica. Dins la natura, forma de cristaus prismatics ò tabulars de longor febla ò de massas compactas. Son esclat es veirenc ò resinós.
Se troba coma precipitat quimica dins lei depaus sedimentaris evaporitics de certanei fònts caudas ò, rarament, dins certanei fumarolas. Pòu èsser associat ambé lei borats e lei sulfats que pòdon se formar dins de condicions similaras. Es utilizat per produrre l'acid bòric utilizat en metallurgia ò per l'industria farmaceutica.