Bodisme theravada

Lo bodisme theravada (sanscrit: स्थविरवाद) es una forma dau bodisme. Es dominanta dins lo sud e lo sud-èst d'Asia e au sen de certaneis etnias dau sud-oèst de China. Es considerat coma una variante relativament conservativa e pròcha dei tradicions e rites iniciaus bodistas.

Es la fòrma de bodisme dominanta e la religion majoritària dels países seguents: Sri Lanka, Birmania, Tailàndia, Cambòtja e Laos.

Istòria

Lo bodisme theravada es eissut de l'escòla sthāvirīya, una de las escòlas del bodisme primitiu que florissiá del temps del primièr concili bodista. Al second concili bodista, la sècta dels shtaviras se desseparèt dels autres grops. Lo bodisme theravada es lo descendent d'aquest grop de shtaviras, amb una separacion que foguèt oficializada al Tresen Concili Bodista.