Bauma de las Rainardieras

Un article de Wikipèdia, l'enciclopèdia liura.
Salta a la navegació Salta a la cerca

La bauma preïstorica de las Rainardieras se tròba aus Pins, dins la Charanta Lemosina.

Localizacion[modificar | modificar la font]

Se situa aperaquí 20 km au nòrd-est d'Engoleime, prep d'Agrís, sus l'auriera nòrd dau carst de la Ròcha Focaud, dins los calcaris recifaus oxfordians, dins lo bacin de Bellonne[en occitan?], afluent de Bonoira.

Istòria[modificar | modificar la font]

La descuberta de puntas mosterianas incitet José Gomez de Soto a la sondar en 1995, puei Bruno Boulestin e Véronique Dujardin a entreprene de las cerchas en 1998.

Topografia[modificar | modificar la font]

Auei lo jaç se presenta en desòrdre per amor de l'esfondrament d'unes blòcs e s'i accedís per 'na chaminèia naturala que se dubrís en travers de la vòuta.

En dessós de la cavitat principala se dubrissiá a l'origina 'na segonda cavitat que sa vòuta es auei quasiment totalament esfondrada.

Estratigrafia[modificar | modificar la font]

Se trobet dins 'quilh abric un important ensemble sepulcrau de l'Edat dau Bronze Ancian (Boulestin e Gomez de Soto, 2003), daus niveus asilhans (Dujardin, de paréisser), en mai de las peças en posicion segondària que testimònian de 'na ocupacion de l'abric o de 'na preséncia dins sos environs au Neolitic Finau (Artenacian), au Neolitic Mejan, au Mesolitic Ancian e a l'Aurinhacian.

Abitat[modificar | modificar la font]

Segon Véronique Dujardin, lo site fuguet ocupat a l'Asilhan, au Magdalenian, au Badegolian, au Gravetian, a l'Aurinhacian, au Chastèlperronian e au Paleolitic Mejan.

Au dessús se dubrissiá 'na autra cavitat ente Boulestin e Gomez de Soto descubrigueren en 2003 un important ensemble sepulcrau de l'Edat dau Bronze emb plusors individús joves e 'na escudela tipica de 'quilha epòca. D'avans, en 2000, Boulestin e Dujardin i avián descubert daus niveus asilhans e daus signes d'ocupacion au Neolitic Finau (Artenacian), au Neolitic Mejan, au Mesolitic Ancian e a l'Aurinhacian.

Liams externes[modificar | modificar la font]